Ата Заң – Азат елдің негізі: кітап көрмесі

Қазақстан Республикасының Конституциясы күніне орай, Абай атындағы кітапханада 25 тамыз күні «Ата Заң – Азат елдің негізі» тақырыбында  кітап көрмесі ұсынылды.

Көрмеде Қазақ хандығы кезінен бастап Қазақстан халқының құқықтары, бостандығы мен міндеттерінің құрылу тарихын, Кеңес Одағының құрамына кірген Қазақ АССР Конституциясының және Тәуелсіз Қазақстан азаматтарының барлық құқықтарын қамтамасыз ететін қазіргі заманғы Конституцияның тарихын баяндайтын кітаптар және  2022 жылы Ата заң тармақтарына енгізілген өзгерістер жайында мерзімді басылымдар ұсынылды.

Оқырмандар назарына ұсынылған басылымдар: «Қазақстан Республикасының мемлекеттік рәміздері тәуелсіздік нышандары», «Қазақтың ата заңдары», Ө.Қопабаевтың «Ата заң – мемлекет дамуының іргетасы», «Өмірі Заңмен өрілген: Нағашыбай Шәйкенов жайлы естелік», Ғ.Сапарғалиевтың «Конституционное право Республики Казахстан», «Конституционные законы Республики Казахстан», Ж.С. Атжанованың «Роль органов Конституционного контроля в реализации конституционной ответственности» және т.б. мерзімді басылым беттері мен интернет ресурстарынан алынған мақалалар.

Еліміз Ата заң аясында алтын дала – Қазақстан әлем елдері алдында экономикалық реформалар жүргізу мен демократиялық қоғам қалыптастыруда, әр түрлі ұлт өкілдерінің бейбіт өмір сүруі және әлеуметтік мәселелердің оң шешім табу жолында үлгі болатынын айтып, кітапханашы көрме бойынша шолу жасады.

Көрме 25-31 тамыз аралығында ұсынылады.