«Ядросыз Қазақстан – бейбіт өмір»: кең көлемді кітап көрмесі

27 тамыз күні Абай атындағы кітапханада Семей ядролық сынақ полигонының жабылуына 31 жыл толуына орай «Ядросыз Қазақстан – бейбіт өмір» тақырыбында кең көлемді кітап көрмесі ұйымдастырылды. Шараға қалалық «Жастар» орталығының мамандары мен кітапхана оқырмандары қатысты. Көрмеге  К.Бозтаевтың, Р. Сейсенбаевтың, В.Кобриннің, С. Стивенсон, Е.Л.Якубовскаяның қаламынан туған Семей ядролық полигоны туралы туындылары, Семей ядролық полигонының тарихы мен хронологиялық оқиғалары жайлы жазылған атақты жерлесіміз М. Сәрсекенің «Семей қасіреті» және Н.Ә.Назарбаевтың «Бейбітшілік кіндігі», «Әлем – ядролық қарудан бас тартады», «Семипалатинский полигон» және т.б. кітаптары орналастырылды. Көрмедегі мерзімді басылымдар беттерінде жарияланған мақалалар мен зерттеулерге, альбомдарға, мұрағат құжаттарына пайдаланушылар аса назар аударды. Көрме тамыз айының аяғына дейін ұсынылады.