Татар кітаптары кітапханаға сыйлық

Кітапханамызда өтіп жатқан «Қазақстан татарларының ұлттық мұрасы: өткені, бүгіні және болашағы» атты халықаралық ғылыми-тәжірибелік конференциянында Татарстаннан келген қонақтар Абай атындағы кітапхана қорына Қазан қаласында жарық көрген татар, орыс және ағылшын тілдеріндегі кітаптарды сыйға тартты. Нәтижесінде кітапханамыздың қоры Фаузия Байрамованың «Сібір өркениеті» және «Шыңғыс Айтматовтың татар анасы», татар ғалымдарының «Туқайға сәйхат» («Туқайға саяхат») ұжымдық еңбектерімен толықты. Сонымен қатар, «Милли-мадани Мирасызбыз» Қазақстан татарлары. Семей “(Ұлттық-мәдени мұра. Қазақстан татарлары. Семей),” «Человек и природа в бассейне реки Меша и Пестриченском Заказанье в историческом развитии» кітаптары да кітапханаға сыйлаған басылымдардың қатарында болды. Кітапхана үшін татар тіліндегі «Туган жир» журналының екі саны мен «Татарлар» газетінің бірнеше саны ерекше құнды болды.