Экология – табиғат жүрегі: кітап көрмесі

15 қыркүйек күні Абай атындағы кітапханада экологиялық проблемалар мен оларды шешу жолдары мәселесін қарастырған қоршаған ортаны қорғау комитетінің басшыларымен кездесу өткізілді. Кездесу барысында қаламыздағы табиғатты қорғауға байланысты өзекті мәселелер, құрылыс, қоқыс, автомобиль тұрақтары жайындағы мәселелер қарастырылды. Осыған орай кітапхана қызметкерлері «Экология – табиғат жүрегі» атты тақырыпта кітап көрмесін ұйымдастырды.
Көрмеге табиғат ресурстарын пайдалану барысында оның тиімді жолдарын іздеу, қайта түлету, бүліну, ластану жолдарынан сақтау және қорғауды жүзеге асыру тақырыбындағы кітаптармен қатар өсімдік, жануарлар, орман жайлы, табиғатты сүюге, қорғауға арналған кітаптар қойылды.
Қазақстанның экологиялық аймақтары, атмосфералық ауа, су, жер, өсімдік және жануарлар ресурстарының экологиялық жағдайлары , пайдалы қазбаларды өндірудің қоршаған ортаға тигізетін әсері, экологиялық апат аймақтары қарастырылған «Арал тағдыры», Н. Ашықбаев «Өсімдік қорғау». Ш. Дүрмекбаева «Қазақстандағы экология жағдайының қалыптасуы», А.Н. Каримов «Экологияның химиялық негіздері» оқу құралдары кездесуге қатысушылардың назарын аударды.