Тілдер мерекесіне орай: ақпараттық сағат

Қазақ халқының тағдыры мен тілі үшін күрескен Алаш арысы, қазақ әліпбиінің негізін салған ұлт ұстазы Ахмет Байтұрсынұлының туған күні елімізде тілдер мерекесі болып бекітілген болатын. Осыған орай, халықтың мәдени мұрасын зерделеу арқылы мемлекеттік тілді білуге қызығушылықты ояту, патриоттық сезімді қалыптастыру мақсатында ақпараттық сағат ұйымдастырылды.
Кітапхана қабырғасында Тілдер мерекесіне орай ұйымдастырылған шараға №2 ЖОББ мектептің 10 сынып оқушылары қатысты. Оқушыларға А.Байтұрсыновтың өмірі мен шығармашылығы туралы ағылшын тілінде ақпарат беріліп, «A. Baitursynov: life and activity» атты ағылшынша викторина ұйымдастырылды. Қатысушылардың арасынан Джиенбаев Т., Круглов А., Толубаев Н. сынды оқушылар ағылшын тіліндегі жоғары білім деңгейін көрсетті. Шара барысында халықаралық тілдерді білуге арналған викторина, омонимдер сайысы, үш тілде жаңылтпаштар сайыстары өткізілді. Бұл сайыстарда А.Нестерова, Белоусов А., Т.Осипова үздік білім деңгейін көрсетті. Шара белсене қатысқан оқушылар ағылшын тіліндегі кітаптар мен журналдармен марапатталды.
Шара соңында қатысушылар қызықты да мазмұнды шара үшін кітапхана қызметкерлеріне алғыстарын білдірді.