«KitapTime – 2022» фестивалі аясындағы ақындар шеруі
ҚР Ұлттық академиялық кітапханасынның бастамасын қолдау мақсатында Абай атындағы облыстық әмбебап кітапханасы 23-ші қыркүйек күні орталық арбат жастар алаңында «KitapTime – 2022» жалпы республикалық кітап фестивалін ұйымдастырып, «Ақындар шеруінде» кітапханамыздың тұрақты оқырмандары мен қаламыздың жас ақындары өздерінің өлдерің оқыды.
Шарада кітапханамыздың мамандары Бауыржан Игілік, Қуандық Кенжебекұлы және оқырмандарымыз Жақсылық Асқарбек, Дильназ Байекенова, Кәріпбаева Бағжан, Кәріпбай Аружан, Какимова Асыл жиналған көпшіліктің құрметіне тамаша өнер көрсетті. № 15 -ші мектеп оқушылары өз арнауларын оқып, М.Төлебаев атындағы колледждің студенттері ән мен күйден шашу шашты.
Кітап оқу мәртебесін көтеру, жалпы әдебиетті насихаттау, тұрғындарды кітапханаларға тарту және оқырмандардың кітап оқуға деген қызығушылығын арттыру мақсатында ұйымдастырылып отырған шараға ақындарымыз отты жырымен сән беріп, Отанға деген махаббат, табиғатқа деген махаббатты жеткізіп, өңірімізден шыққан алыптардың атын асқақтатып, сонымен қатар сырлы сезім лирикасымен жиналған көпшілікті тәнті етті.
