Жаңа қазақстандық мемлекеттің негізін қалаушы: көрме

  • 26.11.2013

2013 жылдың 26 қарашасы күні Шығыс Қазақстан облыстық Абай атындағы әмбебап кітапханасы мерзімді басылымдар бөлімінде «Нұрсұлтан Назарбаев-жаңа қазақстандық мемлекеттің негізін қалаушы»: атты фото-суретті кітап көрмесі ұйымдастырылды.

Қатысушылар: кітапхана пайдаланушылары. Өткізілген күні: 2013 жылдың 26 қараша. Өткізілген орны: Шығыс Қазақстан облыстық Абай атындағы әмбебап кітапханасының мерзімді басылымдар бөлімі. Мақсаты: Елбасының еңбектерін пайдаланушылар арасында талқылап, түсіндіру. Күтілетін нәтиже: пайдаланушылардың қоғамдық ой-пікірлері мен Қазақстан халқына Жолдауы туралы білімдерін кеңейту.

Қазақстан Республикасы Президенті күніне орай Шығыс Қазақстан облыстық Абай атындағы әмбебап кітапханасы шаралар топтамасын өткізуді жоспарлады. 2013 жылдың 26 қарашасы күні Шығыс Қазақстан облыстық Абай атындағы әмбебап кітапханасы мерзімді басылымдар бөлімінде «Нұрсұлтан Назарбаев-жаңа қазақстандық мемлекеттің негізін қалаушы»: атты фото-суретті кітап көрмесі ұйымдастырылды. Көрменің «Көшбасшының саяси портреті» деген бірінші бөлімінде: Елбасы Н.Ә.Назарбаевтың еңбектерімен естеліктері, көркемделген альбомдар, анықтама материалдары мен жинақтар ұсынылды. Көрменің «Жолдаудан Жолдауға дейін» атты екінші бөлімінде: Қазақстан-2050 стратегиясы, 1997–2013 жж. кезеңіндегі Елбасының жыл сайынғы Қазақстан халқына Жолдаулары қойылды.

27с

«Жолдау беттерінен…» деп аталатын көрменің үшінші бөлімінде: мерзімді басылымдар беттерінде жарияланған жаңа Жолдау туралы пікірлер және талқылаулар, мақалалар орын алды. 20 жылдан астам тарихи бар егеменді елімізді дүние жүзіне паш ететін тарихи оқиғалардың барлығы Елбасының бастамасымен жүзеге асты. Бүкіл қазақстандықтардың мерейін үстем еткен, еліміздің тыныштығын ойлап, дамыған елдердің қатарында көрінуімізге бар күшін салған, Қазақстан Республикасының өсіп-өркендеуі жолында еңбек етіп келе жатқан Елбасына алғыс айтқан оқырмандарымыздың тарапынан Президент күнімен құттықтаулар айтылды.

Кітап көрмесінде 7 кітап және 15 атаулы мерзімді басылымдар, ғаламтордан материалдар оқырмандар назарына ұсынылды. Кітап көрмесі 2013 жылдың 15 желтоқсан күніне дейін өз жұмысын жалғастырады.