Ұлы даланың ұлы жазушысы: кең көлемді кітап көрмесі

25  қазан – Республика күніне орай Абай атындағы мемлекеттік қазақ музыкалы драма театрындағы  өткен мерекелік концерт ұйымдастырылып,  Абай атындағы кітапхана М.Әуезовтың 125 жылдығына арналған «Ұлы даланың ұлы жазушысы» тақырыбында кітап көрмесін ұсынды.

Абайтанудың негізін қалаған М.Әуезовтің шығармашылығындағы басты тақырып ұлы  ақын, ағартушы Абайды бала кезінен, ержетіп толысқан шағына дейін  өмірінің басты оқиғаларымен, қазақ ұлтының салт-дәстүрімен бірге шебер суреттеп көркем бейнесін сомдаған «Абай жолының» 1945, 1948, 1949, 1950, 1952 жылдарғы басылымдары  көрмеден орын алды. Белгілі суретші Е.Сидоркиннің көркемдеуімен баспа көрген 1971, 1978 жылдары шыққан роман-эпопея көрмені толықтырады. Суретші эпопея кейіпкерлері Құнанбай, Абай, Тоғжан және өзге кейіпкерлердің портреттерін суреттеп, болмыс-бітімі қайталанбас образдарды сомдаған.

Сонымен қатар, оның өмірі мен шығармашылығын айшықтайтын әдебиеттер: «Мұхтар Әуезов: энциклопедия», «Мұхтар Әуезов зерттеулерінде белгісіз: мұрағаттық құжаттар», Н.Анастасьев «Жеңімпаз трагедиясы», «Мұхтар Әуезов» , «Әуезов әлемі», Г Омарханова, А. Әзиев «Мұхтар аға», А. Молдаханов «Әуезов және фольклор», Ғ.Пірелі, Т.Әкім «Мұхтар Әуезов. Кітапхана» және т.б. әдебиеттер мен мерзімді басылымдар   ұсынылды.

Кітап көрмесі жазушының Қайым Мұхамедхановпен, Алаш қайраткерлерімен, жерлестермен түскен фотогалереясымен толықтырылған.