Татар үйіне саяхат: самаурын жанындағы отырыс

17 қараша күні Абай кітапханасының мамандары – «Татар әлемі» бағдарламасы аясында татар этно-мәдени орталығы ұйымдастырған «Татар үйіне саяхат» атты самаурын жанындағы отырыс атты ерекше оқиғаға қатысып қайтты. Кездесуге татар орталығының ардагерлері Г.Х.Габдулкаримова, Р.А.Логинова, В.А.Балтобаева, Ш.Г. Фазылбекова және басқа да көптеген орталықты құрушылар және татар халқының мәдениеті мен салт-дәстүрін жалғастырушылар жиналды.

Ғалия Хамитқызы Ғабдулкаримова татар үйінің безендірілуі туралы мәлімет берді, мысалы,  дәстүрлі татар үйінде әрқашан үйдің әйел және еркек жартысын бөліп тұратын шымылдық, ағаштан жасалған сөрелер болатынын, оған отбасының барлық мүшелері ұйықтайтыны жайлы және татар халқының өмірі туралы  басқа да қызықты мәліметтермен бөлісті.

Дәстүрлі татар үйі әрқашан тұрмыстық ыдыс-аяқтарға, қазан, науалар, самауырлар және басқа да көптеген әшекейлерге толы болатыны туралы Руфия Асхатқызы Логинова айтып берді. Сондай-ақ қонақтар қай уақытта келсе де жақсы үй шаруасындағы әйелдің самаурыны әрқашан қайнап тұратыны жайлы және татар халқының қонақжайлылығының ерекшеліктерімен бөлісті.

Файзуллин Шауқат Ғарифұлының 19-20 ғасырларда Семей өңірінде 40-50 жыл бойы халыққа қызмет еткен пеш құрылысы туралы әңгімесі өте қызықты болды. Шауқат аға пеш кірпішінің қоспасының ерекшеліктерімен бөлісті.

Татар тіліндегі жұмбақтар мен мақал-мәтелдер,халық әндерін орындау, кейбір татар әндерінің тарихы, аккордеонмен ән айту шараға ерекше нәзіктік сыйлады.

Клуб мүшелері татар тұрмысының мәдениеті туралы білімдерімен бөлісті. Отырыс Фазылбекова Сәния Әубәкірқызының сұрақ-жауаптарымен аяқталды.

Мерекелік дастарханға клуб мүшелерінің ата-бабаларынан қалған ыдыс-аяқтары мен татар асханасының неше түрлі дәмді ас мәзірлері қойылды.