Бірлік пен ынтымақтастық Доктринасы: слайд-әңгіме

2013 жылдың 26 қарашасында Шығыс Қазақстан облыстық Абай атындағы әмбебап кітапханасының қызметкерлері «Нұр Отан» халықтық демократиялық партиясының кезектен тыс өткен XV съездімен таныстыру барысында Бизнес студенттері мен оқытушыларына «Ынтымақтастық пен бірлік Доктринасы» атты слайд-әңгіме ұйымдастырды.

Өткізілген күні: 26 қараша 2013. Өткізілген орны: Бизнес колледжі. Қатысушылар: колледж студенттері мен оқытушылары. Қатысушылар саны: 20 адам. Мақсаты: «Нұр Отан» халықтық демократиялық партиясының кезектен тыс өткен XV съезді туралы мағлұмат беру.

2013 жылдың 26 қарашасында Шығыс Қазақстан облыстық Абай атындағы әмбебап кітапханасының қызметкерлері «Нұр Отан» халықтық демократиялық партиясының кезектен тыс өткен XV съездімен таныстыру барысында Бизнес студенттері мен оқытушыларына «Ынтымақтастық пен бірлік Доктринасы» атты слайд-әңгіме ұйымдастырды. 2013 жылдың қазан айының 18–19 күндерi Астанада ұлт көшбасшысы Нұрсұлтан Назарбаевтың төрағалығымен «Нұр Отан» партиясының кезектен тыс XV-шi съезi өткен болатын. Алқалы жиында ауқымды ойлар айтылып, елiмiздiң келешегi болжанды. Ол «Қазақстан-2050» стратегиясы арқылы жүзеге асырылмақ. «Нұр Отанның» кезектен тыс өткен XV -шi съезiне арқау болған негiзгi тақырып, ол «Қазақстан-2050» стратегиясы. Бұл ретте арнайы доктрина қабылданды. 7 басымдықты атап айтқанда- «Бірлік пен келісім», «Төл мәдениеті және руханилық», «Қуатты экономика», «Әділетті әлеуметтік саясат», «Зияткер ұлт», «Тиімді мемлекеттік басқару», «Әлемге ашық Қазақстан» атты тарауларды қамтитын құжтты алқалы жиынға қатысушылар бiрауыздан мақұлдады. Съезде партия мүшелері мен әрбір қазақстандықтың еліміздің болашағына жауапты екендігі айтылды. Қазақстан Республикасы Президенті, партия көшбасшысы Нұрсұлтан Назарбаев «Нұр Отан» партиясының еліміздегі басты партиоттық күш болуы қажеттігіне назар аударды. Партияның маңызды міндеті-«Қазақстан-2050» стратегиясында айтылған қазақстандық патриоттықты қалыптастырудағы жалпыұлттық орталыққа айналу болып табылады. Шара соңында кітапхана қызметкерлері «Елі қолдаған, елін қорғаған Елбасы» атты кең ауқымды кітап көрмесіне шолу жасады. Кітап көрмесіне Н.Ә.Назарбаевтың «Қазақстан жолы», «Тәуелсіздік белестері», «Тәуелсіздік шежіресі», Ә.Нысанбаевтың «Тәуелсіздік.Демократия.Гуманизм» және т.б. кітаптар қойылды.