Ғибратты ғұмыр: кездесу кеш

Кітапханамызда желтоқсан айының 8-жұлдызында белгілі ғалым, этнограф, тарихшы, доцент Мұхаметқазы Мұхамадиұлымен кездесу кеші өтті. Кеш ғалымның 85 жасына орай ұйымдастырылды. Шараға белгілі тарихшы, ғалым, археолог, профессор А.И. Исин, Шәкәрім университетінің оқытушысы Тоты Аманкелдіқызы шәкірттерімен, М.О.Әуезов атындағы педагогикалық колледждің студенттері қатысты.
Кеш барысыда ақсақал балалық шағын, студенттік кезеңін суреттей келіп ұлы көш жылдарын, оның қалай басталғанын әңгімелеп берді. Халық жазушысы Қабдеш Жұмаділовпен қатынасын, қырық жыл Қытай түрмесінде отырып «Қылмыс» романын жазған Қажығұмар Шабданұлымен байланысын әңгімеге арқау етті.
А.И. Исин М. Мұхамадиұлын мерейжасымен құттықтап, жылы лебізін білдірді. Шара барысында ғалым студенттер тарапынан қойылған сұрақтарға жауап беріп, әсіресе Әсет ақынның Қытайда болған кезеңдерін татымды әңгімелеп берді.
Кеш соңында ғалым, «Қарабұжыр Қалба, рухы биік Жарма», «Біртуар», «Қалбаның қабыланы – Қапай батыр» кітаптарын кітапханамызға сыйға тартты. Кешке қатысушылар ғалымның ғибратты ғұмырына тәнті болып тарасты.