Ел ертеңі – Егемендік: ақпараттық сағат

15 желтоқсан күні Абай атындағы облыстық әмбебап кітапханасында Семей қаласының Әуезов полиция бөлімінің жас мамандарына 16 желтоқсан Тәуелсіздік күніне орай «Ел ертеңі – Егемендік» тақырыбында ақпараттқ сағат ұйымдастырылды. Шараның негізгі мақсаты: Ата – бабамыздың тәуелсіздік жолындағы ерлігін үлгі етіп, Тәуелсіздік алғаннан кейінгі Қазақстанның дербес мемлекет ретінде қалыптасу тарихына шолу жасау, Желтоқсан оқиғасы және желтоқаншылар туралы мәліметтер беру, Отанға деген құрмет пен патриоттық сезім қалыптастыру.
Көрмеге Алаш мұрасы топтамасымен шыққан «Алаш қозғалысы», «Желтоқсан 86» алты томы , «Желтоқсан көтерілісі» екі томы, «Тәуелсіздік шежіресі» екі томы, «Тәуелсіз Қазақстан: күннен күнге. Оқиғалар хроникасы», М.Қозыбаевтың «Киелі тәуелсіздік» т.б. кітаптар мен мерзімді басылымдар беттеріндегі мақалалар қойылды.
Көрме соңында жас қызметкерлері кітапхана қызметі мен бөлімдерімен танысты.