Жаңа жыл қарсаңында: өлкетану қонақжайы

Кітапхана қабырғасында өлкетану қонақжайы қайтадан өз жұмысын бастады. 18 желтоқсанда Жаңа жыл мерекесінің пайда болу тарихына арналған іс-шара өткізілді. Шараны ұйымдастырушылар: «Прииртышье» өлкетану қоғамы, Абай атындағы кітапхана, «Туған қалам» қоғамдық қоры. Шара басында өлкетанушылардың 2022 жылда жасалған қызметтер туралы шағын баяндама жасалды.

Н.В.Рыкова тыңдаушыларды Жаңа жыл мерекесінің тарихымен таныстырды. Ол 19-20 ғасырдың басында Семейде бұл мерекенің қалай тойланғанын да айтып берді. Қатысушылар назарына 60-80 жылдардағы жаңа жылдық қаланың фотосуреттері мен отбасылық фотосуреттерді қамтитын слайд-көрсетілім ұсынылды.

Көрермендер үшін оқушылар мен «Истоки» халық хорының және Аяз атаның қатысуымен шағын музыкалық концерт әзірленді. Қатысушылар әр түрлі жаңа жылдық костюмдерді киіп, «Кеш қалпағы» атты жаңа жылдық фотосессия ұйымдастырды.

Мерекелік іс-шарада жаңа жылдық сәндік әшекейлер, қолдан жасалған ойыншықтар, ата-әжелеріміздің бала кезінен қалған Аяз ата мен Ақшақар мүсіндері, мерзімді басылымдар, жаңа жылдық тақырыптағы маркалар мен төсбелгілер қойылған ауқымды көрме безендірілді. Көрмені өлкетанушылар, Абай атындағы кітапхана, орыс әлеуметтік-мәдени орталығы, коллекционерлер клубы дайындады.