Трубицын Е. «Обучение тишиной»: әдеби клубтың отырысы

2023 жылдың 14 қаңтарында Абай атындағы облыстық кітапханада оқырмандар клубының кезекті отырысы ұйымдастырылды. Клуб мүшелері осы жолы Евгений Тубицынның «Обучение тишиной» кітабын талқылады.
Автор өзі жазғандай, бұл кітаптың негізгі міндеті – адамның қызығушылығын ояту. Адамның өзіне, ақыл-ойына және психикасына қызығушылықты ояту. Өзінің жасырын қабілеттеріне және әлемді қабылдау тәсілдеріне деген қызығушылықты ояту. Кітап: «Көбелектерді аулау. Санаға жол» және «Шағылыс деформациясы» атты екі бөлімнен тұрады.
Клуб мүшелері кітапты оқығаннан кейінгі алған әсерлерімен бөлісіп, кітаптың әр түрлі тарауларында кездескен даулы мәселелерді талқылады.
Кездесу соңында клуб мүшелері талқылау үшін Д. Остиннің «Асқақтық пен тәкаппарлық» кітабын таңдады.