Төлен Әбдік – қазақ әдебиетіндегі дарынды жазушы: кітап көрмесі

25 қаңтар күні Абай атындағы кітапханада «Бір ел – бір кітап» акциясы аясында жазушы, драматург, қоғам қайраткері, ҚР Мемлекеттік сыйлығының лауреаты Төлен Әбдіктің шығармашылығына арналған кітап көрмесі ұйымдастырып, «Қазақстан – Семей» телеарнасына сұхбат берілді.
Сұхбат барысында жазушының шығармаларының ерекшелігіне, кейіпкерлерінің образдарына, философиялық құндылығына шығармаларының жазылу тілі жайында айтылып, «Тозақ оттары жымыңдайды» шығармасына кеңірек тоқталып өтті. Сонымен қатар алдағы уақытта «Бір ел – бір кітап» республикалық акциясы аясында, кітапханада Төлен Әбдіктің шығармалары бойынша өткізілетін іс-шаралар туралы баяндалды.
Кітапхана маманы жазушының Т.Әбдіктің «Әке», «Ақиқат», «Көкжиек» повестері мен «Оң қол», «Қонақтар», Өліара”, “Ақшоқыда қыс қатты”, “Парасат майданы” шығармалары қазақ әдебиетінде жоғары бағаланғанын атап айтты.
Сондай-ақ кітапханамыздың тұрақты оқырмандары кітап көрмесімен танысып, өз ойларымен бөлісіп, «Бір ел – бір кітап» акциясын қолдай отыра қаламгердің шығармаларымен жақын танысуға, оқуға шақырып сұхбат берді.