Біздің заманның қаһармандары: кездесу

1 ақпан күні «Отбасы орталығы» қоғамдық қоры Абай атындағы кітапханамен бірлесіп «Бүгінгі күннің қаһармандары» атты кездесу ұйымдастырды.
Кездесу барысында «Бүгінгі күннің батырлары кімдер? Олардың ерлігіне не әсер етті? Бүгінгі қаһармандық немен өлшенеді? Патриоттық пен қаһармандықтың айырмасы қандай? Бүгінгі патриот ұрпақты кім тәрбиелеп жатыр?» деген түрлі сауалдың жауабы қарастырылды.
Шараға облыстық Қоғамдық даму басқармасы басшысының орынбасары Жұмағұлов Арман Серқанұлы, облыстық және қалалық білім саласының өкілдері қатысты.
Сонымен қатар бүгінгі күннің батырлары көпбалалы Әбілқановтар әулетінің анасы, бастауыш сынып мұғалімі болған зейнеткер-ұстаз Жаннат Нұрахметқызы Сембаева келіні Айнұр Әбілқановамен, 50 жыл бірге ғұмыр кешіп келе жатқан бақытты отбасы Исаев Николай Николаевич жұбайы Ольга Андреевнамен, ұлағатты ұстаздық дейтін ұлы есімнің тағы бір иесі Тоқтарғазина Ғайни Серғазықызы және адам өмірін сақтап қалған қос батыр құрылыс колледжінің 3 курс студенті Кондратенко Данил Виталиевич пен №11 орта мектептің 8 сынып оқушысы Омаров Руслан Нұрғалиұлы қатысты.
Жас еріктілер №1 орта мектептің 10-сынып оқушылары Дроздова Ильнара мен Исланалар анасымен, Молчанова Ксения әжесімен қатысып, өздерінің бойларында қалыптасқан патриоттық сезіммен бөлісті.
Шараға қатысқан оқушылардың ата-аналарына бала тәрбиесіне ерекше көңіл бөліп, жоғары жауапкершілк танытқаны үшін алғыс сөздер айтылды.
Қаһармандарымызға алғыс хаттар мен естелік шағын сыйлықтар тапсырылды.