Ұлы арманшыл – фантаст: әдеби синквейн

8 ақпанда Абай атындағы кітапхаханың балалар әдебиеті бөлімінің қызметкерлері әйгілі француз жазушысы Жюль Верннің туғанына 195 жыл толуына орай №6 гимназияның 6 «Д» сынып оқушылары арасында «Ұлы арманшыл – фантаст» әдеби синквейнін өткізді.
Іс-шара барысында кітапхана қызметкерлері жазушының өмірбаяны туралы ақпарат ұсынып, жазушының шығармаларымен таныстырып, «Болашаққа көз жүгірткен кітаптар» деректі фильмінен үзінділер көрсетті. Оқушылар жазушының шығармашылығы бойынша әдеби викторинаға қатысып, жазушының «Капитан Гранттың балалары» және «Жұмбақ арал» кітабы бойынша білімдерінің жетік екенін көрсетті. «Синквейн» шығармашылық байқауы өте қызықты өтті, қатысушыларға «кеме», «капитан», «қарақшы», «саяхатшы» сөздері таратылды, олардан сәйкес екі сын есімді, үш етістікті, төрт сөзден тұратын сөйлемді және берілген сөзге синонимді таңдау ұсынылды. Сонымен қатар оқушылар жазған сөздерінен өлең құрастырды. Іс-шараны өткізу кезінде оқушылардың жақсы дайындалып, викторина мен конкурстарға белсенді қатысқаны байқалды. Әзімбаева Меруерт, Маусынбаев Бақытжан, Сүлейменов Алинур және Мерханова Бота өздерінің белсенділіктері мен алғырлықтарын танытты. Қатысушыларға жазушының портреті, шығармалары, дәйексөздері, теңіз атрибутикасы (пираттың бас киімі, ракушки және якорь) қойылған «Дүниежүзі армандар кемесінде» кітап көрме-инсталляциясы ұсынылды.