Ауған соғысының тарихы беттерінен: кітап көрмесіне шолу

15 ақпан – Кеңес әскерлерінің Ауғанстан жерінен шығарылған күні. Жыл сайын Ауған шекарасында жүріп қыршыннан қиылған боздақтарды еске алып, көзі тірі интернационалист-жауынгерлерге құрмет көрсету шарасы кітапханамызда дәстүрге айналған.
Осы еске алу күні қарсаңында кітапханамызда «Ауған соғысының тарихы беттерінен» кітап көрмесіне шолу ұйымдастырылды.
Арнайы жасақталған көрмеден орын алған Ауғанстан мемлекеті, соғыстың басталуы, кеңес әскерлерінің әскери әрекеттері, Ауғанстан жолдарынан өткен жас сарбаздардың ерлігіктері туралы және интернационалист жауынгерлердің жеке естеліктері жайлы баяндайтын кітаптар мен мерзімді басылымдар беттерінде жарық көрген мақалаларға библиографиялық шолу жасалды.
Көрмеге қойылған С.Акимбековтың «История Афганистана», «Когда поют солдаты», «Афганские звезды» жыр жинақтары, А.Тамониковтың «Бой в ливийской пустыне», И.Андроновтың «По волчьему следу», Б.Смағұлдың «Тағдыр тозағы. Ад судьбы», Б.Сайланның «Мен барған соғыс» т.б. кітаптары шараға қатысқан Әлихан Бөкейхан университетінің оқытушылары мен студенттерінің және кітапхананың тұрақты оқырмандарының қызығушылықтарын тудырды.
Көрме 16 ақпанға дейін оқырмандар назарына ұсынылады.