Алманың отаны. Сиверс алмасы: өлкетану қонақжайы

Абай атындағы облыстық кітапханада 19 ақпанда «Прииртышье» өлкетану қоғамы мен Абай атындағы кітапхана мамандары дайындаған «Алманың Отаны. Сиверс алмасы» атты өлкетану қонақжайы өтті. Шара Тарбағатай ұлттық саябағы мен Сиверс алма ағашына арналған. Өлке тарихын танып-білуге арналған шараға қатысушыларды алманың шығу тарихы, Қазақстанның бау-бақша алқаптарындағы селекция және оны өсіру, сондай-ақ Қазақстанның ұлттық саябақтары туралы кітапхана қорында сақталған басылымдардан дайындалған көрме қарсы алды.
Сиверс алма ағашы Қазақстан Республикасының ұлттық байлығы болып табылады. Қазіргі алма ағаштарының арғы тегі планетада шамамен 65 миллион жыл бұрын пайда болған және оның мекендейтін жерінің бірі Қазақстанның Абай облысы Үржар ауданындағы Тарбағатайдың оңтүстік беткейінде орналасқан. Осы бірегей аумақты сақтау үшін 1918 жылы маусымда ұлттық парк құрылған.
Шараға қатысушылар үшін Тарбағатай ұлттық паркінің қызметкерлері саябақтың қызметі мен сирек кездесетін жануарлар мен өсімдіктерді қорғау туралы арнайы бейнеролик дайындады. Өлкетанушы-журналист Екатерина Гуляева алманы алғаш рет Тарбағатайдың оңтүстік беткейінен Үржар өзенінің аңғарынан Сиверс тапқанын ерекше атап өтті. Бұл туралы Сиверс «Сібірден хаттар» деген атпен жарияланған жазбаларында жазған. Кейінірек оның мекені Жоңғар, Іле, Талас Алатауында анықталды. Сиверс алма ағашының зерттелуі, қорғалуы және аурулары туралы Республикалық орман селекциясы және тұқым шаруашылығы орталығының Семей құрылымдық бөлімшесінің басшысы, биология ғылымдарының докторы, профессор Елена Викторовна Борисенко айтып өтті. Шараға қатысушылар үшін «Истоки» халық хоры туған жерге арналған әндерді орындады.