Елбасы Семей жерінде: электрондық журнал
Шығыс Қазақстан облыстық Абай атындағы әмбебап кітапханасында Тұңғыш Президент күніне орай «Елбасы Семей жерінде» тақырыбында электрондық журналдың тұсаукесер рәсімі өткізілді.
Өткізілген күні: 30 қараша 2013 жыл. Өткізілген жері: Шығыс Қазақстан облыстық Абай атындағы әмбебап кітапхана. Қатысушылар саны: 12 Қатысушылар: М.О. Әуезов атындағы Семей педагогикалық колледжінің студенттері. Шараның мақсаты: Қазақстан Республикасының Тұңғыш Президенті Н.Ә. Назарбаевтың Семей қаласына іс сапарлары, халықтың әл-ауқатының артуына ерекше мән беріп, қаламыздың көркеюіне қосқан ерен еңбектері, саяси қайраткерлігі туралы ақпараттар ұсыну. Күтілетін нәтиже: Мемлекет басшысының Семейге келген іс сапарында халықтың әл-ауқатын көтеру барысында жасаған орасан зор еңбегі жайындағы өнегелі өмір жолын жастарға үлгі етіп, елжандыққа тәрбиелеу.
Шығыс Қазақстан облыстық Абай атындағы әмбебап кітапханасында Тұңғыш Президент күніне орай «Елбасы Семей жерінде» тақырыбында электрондық журналдың тұсаукесер рәсімі өткізілді. 2012 жылдан бастап мемлекеттік мереке күнтізбесі 1 желтоқсан Тұңғыш Президент күнімен толықты. Электрондық журналда Елбасы Н.Ә. Назарбаевтың әр жылдары Семей жеріне келген іс сапарлары жайында кең ауқымды ақпараттар қамтитын слайд көрсетілімі арқылы баяндалды. Семейді еліміздің рухани-мәдени орталығы деп бағалаған мемлекет басшысы қаламыздың өсіп-өркендеуіне салиқалы бағыт-бағдарымен өлшеусіз үлес қосты. Қала тарихындағы айтулы оқиғалардың бірі Семей қаласындағы аспалы көпірдің ашылу салтанатына қатысып, алып көпірдің лентасын қиып қала өміріндегі тарихи оқиғалардың куәсі болды. 2011 жылы Семей Ядролық полигонының жабылуына 20 жыл толуына орай қаламызда өткен «Ядролық Қарусыз әлем» атты халықаралық форумда ел басшысы Қазақстанның бейбітшілік елі екенін бүкіл дүниежүзіне паш етті. Педагогикалық колледж студенттері библиографтың Семей қаласына қатысты қойылған сұрақтарына жауап бере отырып, өз өлкелерін жақсы білетіндіктерін білімдері арқылы дәлелдеді. Семей қаласының тарихынан сыр шертетін деректі фильмді тамашалаған қатысушылар ризашылықтарын білдірді.