Ғасырларды жалғаған асыл қазына: кең көлемді кітап көрмесі
2023 жылдың 3-інші наурызында кітапханамызға профессор Исмаилова Ғайнигүл бастаған Шәкәрім атындағы университеттің ұстаздар қауымы келіп еліміздің ең ірі және көне мәдениет ошағы қоғамдық кітапхананың тарихынмен, Абайға шығармашылық шабыт берген бай сирек басылымдар қорын насихаттау басты мақсаты болатын «Абайдың рухани орталығымен» кеңінен танысты.
Көрме қонақтарының назарын өзіне тартқан Семей облыстық Статистика Комитетінің «Обзорлары», «Памятный книгалары», Бастауыш білім беру қоғамының «Есептері», Императорлық Орыс Географиялық қоғамының «Запискилері», оларда жарияланған Абайдың қөзі тірісінде-ақ ақын туралы жазылған маңызды ақпараттар, Абайдың замандастары, достары – өлкетанушылардың өлке тарихы, флора мен фаунасы, аң-құсы, қазба кен байлықтары мен халқымыздың мәдениеті, этнографиясы, тұрмысы жайлы сирек түпнұсқалар болды. Сирек басылымдар аса құнды ақпараттардың дереккөз-түпнұсқасы екендігі ерекше таңдандырды.
Шара қонақтарын осындай бай қазына қорға қалай қол жеткізуге болады деген мәселе толғандырған еді. Қазіргі заманда цифрализация арқылы ешқандай кедергі жоқ, электронды нұсқасын Қазақстанның Ұлттық Электрондық кітапханасы арқылы немесе біздің кітапхана сайты арқылы қолжетімді екені ұстаздар қауымын қуантты.
