Наурыз тойы – мереке, салт дәстүрім – береке: этнографиялық мереке

16 наурыз күні Абай атындағы кітапханада «Наурыз тойы – мереке, салт дәстүрім – береке» тақырыбында этнографиялық мереке ұйымдастырылды.
Мерекеге жиналған қонақтарды «Наурыз – достық пен гүлденудің мерекесі» тақырыбындағы кітап көрмесі қарсы алды.
Әр ұлттың өзіне тән салт-дәстүрі бар. Халқымыздың әдет-ғұрпын, дәстүрін, тарихын білу, оны қастерлеу – әрқайсысымыздың борышымыз. Мерекеге келген қонақтар Наурыздың тарихымен, оның әдет-ғұрыптарымен, ұрпақтан-ұрпаққа жалғасып келе жатқан негізгі нышандарымен танысты. Шара барысында орындалған қазақ әндері мен билері қатысушыларға мерекелік көңіл-күй сыйлады. Қазақ, татар, өзбек ұлттарының әдет-ғұрыптары, ұлттық киімдері, тағамдары, танымал ұлттық музыкалары жайлы ақпараттар берілді. Шара қонақтары болған кітапханамыздың шетелдік оқырмандары – Пәкістандық студенттер үшін ақпараттар ағылшын тілінде ұсынылды.
Этнографиялық мерекеге қатысушылар қазақтың ұлттық тағамдарының жауһарлары – Наурыз көже мен бауырсақтан, татарлардың чак-чак пен асқабақ бәліштерінен, өзбектердің палауы мен шелпегінен дәм татты.
Семей қаласындағы орыс әлеуметтік-мәдени орталығынан келген қатысушылар мен Пәкістандық студенттер Ұлыстың Ұлы күні мерекесімен құттықтады.