Дала, сенің ұлыңмын: кітап көрмесі

25 наурыз күні кітапхана қызметкерлері қазақтың қабырғалы қаламгері, ақын, сыншы, аудармашы, сықақшы Жарасқан Әбдіраштың туғанына  75 жыл толуына орай «Дала, сенің ұлыңмын»  кітап көрмесін  оқырмандар назарына ұсынды.

Ұйымдастырылған көрменің мақсаты оқырмандарды әдебиетіміздің дамуына үлес қосқан ақынның өмірі, шығармашылығы, еңбек жолы және оның еңбектерімен терең таныстыруға бағытталды.

Көрмеден орын алған Жарасқан Әбдіраштың шығармашылығы туралы мерзімді басылымдарда жарияланған мақалалар мен автордың «Соғыстан соң туғандар», «Летние грозы», «Перзент парызы», «Парыз, парасат, пайым», «Құлпытас», «Сен ізде мені..», «Көңіл  көкпары» және тағы басқа шығармалар жинағына библиографиялық шолу жасалды.

Ақын шығармашылығының негізгі арқауы болған туған жер, ана, махаббат, туыстық қатынас тақырыбын қамтыған шығармалары жайлы ақпарат берілді.

Қаламгердің шығармашылық жолында А.С.Пушкиннің, Р.Тагордың, К.И.Чуковскийдің, А.Л.Бартоның, А.А.Блоктың жекелеген туындыларын қазақ тіліне аударғандығы және оның  төл шығармалары неміс, венгер, орыс, украин, өзбек, тәжік, әзербайжан, түркімен, қырғыз тілдерінде аударылғандығы туралы баяндады.

Кітап көрмесімен танысқан оқырмандар автордың еңбектерімен және ол туралы сыни әдебиеттерді оқи алады.