Ақын, драматург Зият Шәкәрімұлының туғанына 115 жыл: ақпараттық сағат

12 сәуір күні Абай атындағы кітапхана қызметкерлері Зият Шәкәрімұлының туғанына 115 жыл толуына орай, Семей жоғары көп салалы колледж студенттеріне «Ақын, драматург Зият Шәкәрімұлының туғанына 115 жыл» тақырыбында ақпараттық сағат өткізді.
Іс-шара барысында драматург, ақын Зият Шәкәрімұлының өмірі мен шығармашылығына тоқталды. Шәкәрім Құдайбердіұлының ақындық ізін, адамгершілік мұратын жалғастырған, артына мол әдеби мұра қалдырғанын, талапты балаларының бірі, ақын, драматург, журналист – Зият Шәкәрімұлы болғандығын баяндады. Әкесі Шәкәрім, кеңес өкіметінің қудалау саясатына ұшыраған 1928-1931 жылдары қиын жағдайға тап болғанда Зияттың болашағын ойлап, Қытай жеріне жіберуді шешкендігі туралы ақпараттар беріді. Жастайынан зерек, сауатты жігіт 1934 жылы Шығыс Түркістандағы Сарысүмбе қаласында қысқа мерізімді оқытушылар курсын бітіріп, Алтай аймағының оқу-ағарту бөлімінде қызмет істегендігі, Сонымен қатар ол әкесінің мұрасын насихаттап, өзі де өлең жазып, ән шығарғанын хабардар етілді.
«Аюбай үкіртай» деген атпен аймақта тұңғыш рет пьеса жазып, оны Сарысүмбеде сахнаға қойғызған. Пьеса желісінде надан байлардың дөрекелігі мен зорлық-зомбылығын әшкерелегендігі айтылды.
Ақпараттық сағат Көп салалы колледж студенттерінің ақынның өлеңдерін оқып, слайд көрсетілімімен жалғасын тапты. Шараға қатысушы ұстаз кітапхана қызметкерлеріне ақпараттық іс-шара үшін алғыс білдірді.