Бірінші оқырман: акция

  • 21.04.2023

23 сәуір Халықаралық кітап және авторлық құқық күніне орай Қазақстан Республикасының Ұлттық кітапханасының бастамасымен еліміздегі барлық кітапханаларда 21-ші сәуір күні «Кітап шоу» фестивалі өтуде.

Осыған орай біздің облыстық Абай атындағы кітапхана аталмыш республикалық шараға ат салысып, бірнеше шаралар тізбегін ұйымдастыруда.

Шарамыздың алғашқысы кітапханамызға бірінші болып келген оқырманға кітап сыйлау мерекесі болды. Бүгінгі күнді білімге деген құштарлығымен бастаған Әлихан Бөкейханов атындағы университеттің 2- курс студенттері Әли Тұрсынов пен Серікбол Тұрғынбеков кітапханамыздың сыйын қабыл алды. Қос оқырманымыз университет қабырғасына келген күннен бастап біздің кітапханамызбен дос екенін зор қуанышпен жеткізді.

Мереке күні кітапханамызға алғаш келген оқырмандарымызға Бибігүл Қабиқызының «Тауқымет» кітабы сыйға ұсынылды. Білім мен кітапқа құмар жас буынның құштарлығына сүйсініп, талаптарына тамсанып, зейіндерінің ашылуын тіледік.