Буккроссинг : Оқы және өзгеге сыйла!

2023 жылдың 21 сәуірінде Абай атындағы облыстық әмбебап кітапханасы Қазақстанда жыл сайын 23 сәуірде атап өтілетін Дүниежүзілік кітап және авторлық құқық күніне орай өткізілетін «Кітап шоу» кітап фестиваліне қатысты.
Кітап фестивалінің мақсаты – «2023 жыл – Түркі өркениетінің даму жылы» деп жариялануына орай тамыры терең түркі өркениетін жаңғырту жолында, түбі бір түркі халықтарының өткен тарихы, тілі, әдебиеті мен мәдениетін насихаттау, «Оқитын ұлт» жобасы шеңберінде халықтың кітап оқу белсенділігін арттыру, кітап пен оқуға деген қызығушылығын қолдау, балалар мен жасөспірімдердің оқу сауаттылығын арттыру мен кітап оқу мәдениетін дамытуға бағытталған.
Осы орайда кітапханамызда буккроссинг ұйымдастырылып, келушілер өздеріне ұнаған кітаптарын алып, басқа оқырмандармен алмасып және де өз кітаптарын өзгеге сыйлауға мүмкіндік алды. Буккроссингке қатысқан кітаптардың ішінде жыл сайынғы «Кітапханаға кітап сыйла» акциясының нәтижесінде алынған басылымдар болды. Акцияға 200-ден астам кітап ұсынылды, олардың ішінде: Пушкин А.С., Тургенев И., Дюма А., Макаренко А., Брюсов В., Мережковский Д. сонымен қатар орыс және қазақ авторларының жеке басылымдары, қазақ тіліндегі басылымдар, физика, тарих бойынша ғылыми-көпшілік әдебиеттер, әр түрлі ағылшын тіліндегі сөздіктер, детективтер және тағыда басқа кітаптар ұсынылды. Буккроссингке тұрақты оқырмандарымыз Измайлов С., Қайдарова М., Шоқбатарова Қ.А. және басқада оқырмандарға өз кітаптарын әкелген кітапхана қызметкерлері қатысты.
Буккроссинг ұғымы соңғы кездері қаламыздың әртүрлі санаттағы тұрғындары арасында үлкен танымалдылыққа ие. Біздің кітапханамыздағы осы шараға қаламыздағы студенттер, зейнеткерлер, мектеп оқушылары белсене атсалысады.