Мәдениет – ұлт мәйегі: иллюстрациаланған кең көлемді кітап көрмесі
16 мамыр күні Радиотехника және байланыс колледжінің студенттеріне Қазақстанда дәстүрлі түрде мамыр айының 21-де аталып өтетін Мәдениет және өнер қызметкерлері күніне арналған «Мәдениет – ұлттық құндылық» кең көлемді иллюстрациаланған кітап көрмесін өткізді. Жиналғандар аталған күннің тойлау тарихымен танысты. Бастапқыда бұл күн 1998 жылы бекітіліп, қыркүйектің соңғы жексенбісінде аталып өтілетін. 2013 жылы бұл мерекені 21 мамырға ауыстыру туралы шешім қабылданды. Жыл сайын осы мерекеге орай мәдениет және өнер қызметкерлері марапатталады.
Студенттер назарына С.Асылбекұлының «Қазақ мәдениеті – қазақ мемлекеттілігінің жүрегі», А.Құлсариевтің «Қазіргі заман мәдениеті», авторлар тобының «Ценностные ориентиры казахстанской культуры» атты кітаптары ұсынылды, бұл кітаптарда мәдениет пен өнердің заманауи дамуы және тарихи-мәдени мәселелер қамтылды. Көрмеде Қазақстанның мәдениет және өнер қайраткерлерінің өмірі мен шығармашылығына жол ашатын театр және кино актерлері Мәжит Бегалиннің «Мәжит Бегалин», Бекен Имахановтың «Естен кетпес естеліктер», әншілер мен сазгерлердің Болат Сыбановтың «Өнер-менің өмірім», Бибігүл Төлегенованың «Любить, надеяться и верить», Тұрсынғазы Рахимовтың «Сағынбасқа не шара», бишілер Шара Жиенқұлова мен Болат Аюханов туралы «Қазақ биі» кітаптарына және тағы басқа кітаптарға көп көңіл бөлінді. Сондай-ақ, көрме мерзімді баспасөз беттеріндегі М.М. Беляев, Л.Г. Медведев, В.В. Протопопов, Н.Н. Өтепбаев, А.А. Шевченко мен В.Ф. Шмидт сияқты суретші-жерлестеріміз туралы мақалалармен толықтырылды.
