«Жүректен шыққан ғажап әлем»: шығармашылық сұхбат кеш

17 мамыр күні Облыстық Абай атындағы әмбебап кітапханасында 21 мамыр – Мәдениет және өнер саласындағы қызметкерлердің кәсіби мерекесі күніне орай «Жүректен шыққан ғажап әлем» атты шығармашылық сұхбат кеші ұйымдастырылды.
Кітапхана қызметкері, ақын Қуандық Кенжебекұлының орындауындағы Есенқұл Жақыпбековтың «Біздің елдің жігіттері әнмен басталған игілікті шараға өнертанушы, ақын, Нұрқасым Құсмілия Жырғалұлы, ардагер – журналист, Семей облыстық ардагерлер кеңесінің төрағасы Мұрат Алин, суретші, Қазақстан Суретшілер одағының мүшесі, Қазақстан дизайнерлер Одағының мүшесі, Семей қаласындағы филиалының төрағасы Жұбанышев Тілеуғазы Рахымұлы бастаған Шәкәрім атындағы университетінің аға оқытушысы Қазақстан Суретшілер одағының мүшесі Талғат Тәтиев, Қазақстан Суретшілер одағының мүшесі, Өнер және музыка кафедрасының меңгерушісі, РН докторы Рахат Берікбол, Мұхтар Әуезов пен Қайым Мұхамедхановқа арналған «Ұстаз бен шәкірт» композиция- ескерткішінің авторы, архитектор Нұрбол Қалиев, архитектор, қалалық мәслихаттың депутаты осы ескерткішінің бірлескен авторы Бәкіров Асхат, «100 жаңа есім» жеңімпазы, ұлттық қолөнерді халық арасында дәріптеп жүрген қолөнерші Абылайхан Асылбай, ағаш шебері, полигон тақырыбына талай туындыларын арнаған Құрман Абайұлы, қолөнер шеберлері Архат және Фарида Оразғалиевтар отбасы, Сәкен және Шұғыла Назархан отбасы және Абылайхан Қалқаұлының шәкірті суретші, сәндік-қолданбалы өнер шебері Әділ Сейтімханұлы, Шәкәрім атындағы университетінің сурет-графика бөлімінің студенттері, кітапхана оқырмандары және балалар әдебиеттері бөлімінің «Сиқырлы қылқалам» сурет үйірмесінің мүшелері қатысты.
Шара қонақтарын «Мәдениет – ұлт мәйегі» экспозицияланған басылымдар көрмесі қарсы алды. Еркін форматта өткен кеште қонақтар заманауи бейнелеу өнеріне деген көзқарастары, қаламыздағы архитектуралық нысандар, келешекте ұлттық нышанда көрікті архитекторлық ансамбльдердің болуы қажет екендігі жайлы, қазіргі таңда қолөнер саласындағы ең үлкен мәселе – ұлттық мәдениетіміздің жоғалып бара жатқаны жайлы ұсыныс-пікірлері айтылып, болашақ суретшілерге жүйелі кеңестер беріп отырды. Шараның ерекшілігі ұрпақтар сабақтастығы ретінде, 2014 жылдан бері балалар әдебиеттері бөлімінде жұмыс жасап келе жатқан «Сиқырлы қылқалам» атты сурет үйірмесінің мүшелерімен суретші Тілеуғазы Рақымұлы «Жеміс – жидектер» натюрморты тақырыбына шеберлік сағатын өткізуі болды.
Шара соңында қонақтар отандық мәдениет пен өнердің дамуына өлшеусіз үлес қосып жүрген барша мәдениет қызметкерлерін кәсіби мерекелерімен құттықтап, ұйымдастырушыларға алғыстарын білдіре отырып, жақсы көңіл-күймен тарқасты.