Тәуелсіздік-ұлттық өрлеудің ұлы күні: дәріс-шолу

2013 жылдың 6 желтоқсанда Шығыс Қазақстан облыстық Абай атындағы әмбебап кітапханасының қызметкерлері Медициналық Университетінің студенттері мен мұражай қызметкерлеріне Тәуелсіздік күніне орай «Тәуелсіздік-ұлттық өрлеудің ұлы күні» дәріс-шолу өткізді.

Өткізілген күні: 6 желтоқсан 2013. Өткізілген орны: қаладағы Семей Мемлекеттік Медициналық Университетінің М.Мәметова атындағы мұражайы. Қатысушылар: Медициналық Университетінің студенттері мен оқытушылары. Саны: 15 адам. Мақсаты: студент қауымға Тәуелсіздіктің қалыптасу тарихын, тәуелсіздік алған жылдардағы ел жетістіктерін, сонымен бірге жастарды ұлтжандылыққа, туған жеріне, атамекеніне деген сүйіспеншіліктерін арттыруға дұрыс бағыт-бағдар беру, өз елінің тарихын сыйлауға үйретуге ықпал жасау.

2013 жылдың 6 желтоқсанда Шығыс Қазақстан облыстық Абай атындағы әмбебап кітапханасының қызметкерлері Медициналық Университетінің студенттері мен мұражай қызметкерлеріне Тәуелсіздік күніне орай «Тәуелсіздік-ұлттық өрлеудің ұлы күні» дәріс-шолу өткізді. Тарихымыздың беттеріне 1991 жыл алтын әріптермен жазылды. Ғасырлар бойы қазақ даласында болған әрбір оқиға, әрбір шайқас – тәуелсіздікке жасалған бір қадам. Осындай кішкене адымдармен, бірақ оң жолмен, азаттық жолымен қазақ елі армандаған мақсатына жетті. Желтоқсан оқиғасы осы бір “соқтықпалы” соқпақтағы ең соңғы ірі адым болды. 1986 жылғы “Желтоқсан оқиғасы” тәуелсіздіктің, азаттықтың, демократиялық жаңғырудың бастауы болды. Дәріс соңында «Тәуелсіздік шежіресі» атты кең көлемде кітап көрмесіне шолу жасалды. Кітап көрмесіне барлығы 28 кітаптар қойылды.