Абай және кітапхана: онлайн-дәріс

  • 25.05.2023

24 мамырда Курчатов қалалық білім бөлімінің тапсырысы бойынша №3 орта мектебінің оқушылары үшін «Абай және кітапхана» онлайн-дәріс өткізілді.

Шараға қатысушылар Абай есімімен тығыз байланысты кітапхананың тарихымен танысты. Дәріс барысында XVIII ғасырдың соңы – XIX  ғасырдың басындағы Абай оқыған, ақынға рухани азық болған, кітапхананың сирек қорындағы кітаптарға ерекше көңіл бөлінді.  Атап айтқанда, бұл Батыс Еуропа философтары мен ойшылдары Спенсер, Бокальдың, орыс ақын-жазушылары Пушкин, Лермонтов, Крылов, Толстой және т.б. еңбектері.

Сондай-ақ оқушылар Статистика комитетінің, Орыс географиялық қоғамының Батыс Сібір бөлімшесінің Семей бөлімшесінің, Бастауыш білім беру ұйымдарының қамқорлық қоғамының жазбаларымен, есептерімен, сонымен ақынның қоғамдық қызметі туралы ақпараттар берілді.

Тыңдаушыларға ұсынылған 1897 және 1900 жылдарға арналған «Естелік кітаптарда», Абай Құнанбаевтың Семей облыстық статистикалық комитетінің тұрақты мүшесі болғандығын, «Орыс географиялық қоғамының Семей бөлімінің жазбаларының» 3-ші басылымында Абай қайтыс болғанда Ә.Бөкейхановтың жазған қазанамасы, сондай-ақ «Семей облысының 1914 жылғы ауыл шаруашылығы шолуында», XIX  ғасырдағы Абайдың отбасының қоғамдық өмірі туралы мәліметтер қамтылғандығы тілге тиек етті.

Кітапхана маманы 2013 жылы ақынның 130 жылдық мерейтойы қарсаңында кітапханамызда ашылған «Абай рухани орталығы» туралы да  мәліметтер берді.