«Тұлғасын ғасыр сомдаған би Боранбай» кітапты талқылау

31 мамыр күні Абай атындағы облыстық әмбебап кітапханасы «Кетбұқа-Төлегетай» халықаралық қоғамдық қорымен бірлесіп Айбек Қабден-Кәрімнің «Тұлғасын ғасыр сомдаған Би Боранбай» кітабын ғылыми-көпшілік ортадағы талқылауы болып өтті.
Талқылауда «Кетбұқа-Төлегетай» халықаралық қоғамдық қорының президенті Қайрат Маратұлы Мусин кіріспе сөз сөйлесе, Шығыс Қазақстан облыстық мәслихатының депутаты Ғани Шаймарданов шараға қатысушыларды құттықтады.
Шара барысында кітап авторы Айбек Қабден-Кәрім сөз алып, кітаптың жазылу идеясынан бастап, мазмұнын көпшілікке жан-жақты таныстырды. Талқылауға қатысқан Шәкәрім университетінің профессоры, тарих ғылымдарының кандидаты Амантай Исин, абайтанушы ғалым, философия ғылымдарының кандидаты Асан Омаров, өлкетанушы, тарихшы Мұхаметбек Асылбеков, қоғам қайраткері Аман Тілеубаев, философ-әдебиеттанушы, Қазақстанның еңбек сіңірген қайраткері Тұрдықұл Шаңбай, зейнеткер Мұхаметқазы Мұхамадиұлы, Ойлан Хамитов, Құсмілия Нұрқасым және «онлайн» режимінде қатысқан Ақсуат ауданынан Ержан Құттыбаев, Венгрия елінен Гүлғаныс ханым өз ойларын ортаға салып, пікірлерін, ұсыныстарын жеткізді.
Онлайн режимінде еліміздің бірнеше қалалары мен аудардары қатысты. Талқылау сындарлы, мазмұнды сипатта өтті.
«Кетбұқа-Төлегетай» халықаралық қоғамдық қорының президенті Қайрат Маратұлы Мусин қор тарапынан шығарылған төрт кітаптың бір-бір данасын кітапхана қорына тарту етті.
Талқылауды «Кетбұқа-Төлегетай» халықаралық қоғамдық қорының үйлестірушісі Манарбек Мұхамеджанов жүргізді.