Тарихтан туған рәміздер: ақпараттық сағат
2023 жылдың 2 маусымы күні кітапхана қызметкерлері «Семей қаласының жалпы үлгідегі қарттар мен мүгедектерге арналған медициналық-әлеуметтік мекемесінде» ҚР мемлекеттік рәміздері күніне арналған «Тарихтан туған рәміздер» тақырыбында ақпараттық сағат өткізді. Аталмыш шара барысы Қазақстан Республикасының Әнұранын тыңдаумен басталды. Қатысушылар қазақ халқының терең тарихына бойлай отырып, көне түркілердің рәміздерімен таныса отырып, аңыз әңгімелер естіп,қазақ мемлекетінің алғашқы ту, таңба нышандарымен танысты. Қазақ халқының 1465 жылдан бастап бүгінгі күнге дейін қолданып келген байрақтары тарихы туралы сөз қозғалды. Олардың ішінде Абылай хан, Кенесары, Амангелді Имановтардың туы, Алаш қозғалысының үш туы және республиканың тәуелсіздігін бейнелейтін кеңестік кезеңдегі тулар болды. Кітапхана мамандары мемлекеттік нышандардың әрбіріне тоқталып, тарихи талдамалар жасады. Сондай-ақ, нышандардан сыр шертетін «Рәміздер» тақырыбында кітап көрмесі жасақталды. Көрме басқа да мемлекеттердің рәміздері туралы тың ақпараттарды қамтитын басылымдармен толықтырылды.
Іс-шара соңында аталмыш мекеменің қамқорлығындағы тұрғыны Л.Ф.Чалова мемлекеттік рәмізге деген құрметі ретінде өзінің жүрекжарды туындысын көпшілікке тарту етті. Шара соңында қатысушылар тақырып бойынша көкейлерінде жүрген сұрақтары мен әңгімелерін ортаға салды.
