Ел жүрегі – Астана: кітап көрмесі

4 шілде күні Абай атындағы кітапхана Астана күніне орай «Ел жүрегі – Астана» арнайы дайындалған кітап көрмесін оқырмандарға ұсынды.
Аталған шараның мақсаты – Елордамыздың даму жолдары мен тарихи кезеңдерін баяндау арқылы оқырмандарға Астана қаласы туралы әдебиеттерді насихаттау, астана тарихы туралы білімдерін жетілдіру.
Кітап көрмесіне Астана туралы фотосуреттер, елорданың өткенінен және бүгінінен сыр шертетін туындылар, Астананың қазіргі келбетін баяндайтын әдебиеттер қойылды. Атап айтсақ: Р. Турлынова «Астана: Путеводитель», М.Әбсеметов «Астана – мыңжылдық тарихы бар қала», «Астана: Қазақстанның жүрегі», А. Джаксыбеков «Так начиналась Астана», Т.Барабанова «Астана: фотоальбом», Астана: энциклопедия», «Акмола: энциклопедиясы және «Қазақ елі», «Центр Азии», «Нұр Астана», «Дала мен қала», «Эксперт Казахстана», «Казахстанская правда» «Страна и мир», «Егемен Қазақстан» сияқты мерзімді басылымдар беттеріндегі мақалалар ұсынылды.
Шара барысында оқырмандар назарына арай лы астанамыз жайында құнды деректер баяндалып, библиографиялық шолу ұйымдастырылды. Іс – шараның өткізілуі барысында оқырмандар Қазақстан Республикасының жаңа Астанасының құрылуы мен дамуы туралы қызықты мәліметтермен танысты.