Абайдың рухани әлемі: сирек басылымдар көрмесі

Абай күні қарсаңында кітапханамызға арнайы ат басын бұрған «Халықтар достастығы үйі» Ассамблеясы қызметкерлері «Абайдың рухани орталығында» болып, ғұлама ақынға рухани нәр берген ғасырлар куәсі – көне кітап жәдігерлермен танысты.
Абайды тануда үлкен ақпарат көзі болып табылатын Абай заманындағы сирек өлкетану қоры қонақтар назарын аудартқан, таңдандырған, тамсантқан ерекше құжаттар болды. «Сельскохозяйственный обзор Семипалатинской области» статистикалық басылымы, «Семипалатинские областные ведомости» газетінің 1894 жылғы басылымы, Семей Географиялық Бөлімшесінің «Запискилері» оқырмандарын ақпараттарымен баураған баспа туындылары болды.
Семейдің қазақ елінің рухани алтын бесігі екенін дәлелдейтін құнды жәдігерлердің мол қоры көңілге мақтаныш ұялатады деді қонақтар.