Ұлы даланың дана ойшылы: кең көлемді кітап көрмесі

5 тамыз күні Абай атындағы кітапханада ұлы ақын Абай Құнанбайұлының туған күніне орай «Ұлы даланың дана ойшылы» атты тақырыпта  кең көлемді кітап көрмесі ұйымдастырылды.

Кітап көрмесіндегі ақын мұрасымен танысуға №5511 әскери бөлімінің жауынгерлері келді.

Кітапхана қызметкерлері кітап көрмесімен таныстыру барысында ақынның өмірі мен шығармашылығы жайында айта отырып, ақынның өнер білімге шақырған өлеңдері мен табиғат лирикасы жайындағы өлеңдеріне тоқталып, ақынның өз халқына айтқан ақыл-өсиеті мен қара сөздерінің маңызына тоқталды. Жас сарбаз Құрманғазыұлы Жантөре Абайдың «Әсемпаз болма әрнеге» өлеңін оқыды.

Кітап көрмесінің бірінші бөліміне ақынның шығармалары, өлеңдері, поэмалары, қара сөздері ұсынылып, ақынның 175 жылдық мерейтойына арнайы тарту ретінде шығарылған кітаптарымен қатар, Абай шығармаларының академиялық толық жинағының үш томдығы қойылды. Көрменің екінші бөлімінде ақынның әндері  «Айттым сәлем Қаламқас», «Сегізаяқ» «Көзімнің қарасы»  т.б. әндері мен күйлері жайында кіиаптар ұсынылды.

«Абай бейнелеу өнерінде» атты үшінші бөлімде ақынның көзінің тірісінде 1887 жылы ең алғашқы суретін салған П. Лобановский, 1938 жылы салынған Ә.Қастеевтің «Киіз үй жанындағы Абай»,Г. Аткниннің 1976 жылы Абай портретін кестемен өрнектеген суреттері мен ақын бейнесі бейнеленген кітаптар қойылды.

Соңғы бөлімге абайтану ғылымына байланысты «Абайтану» таңдамалы бес томдық, М. Мырзахметұлы Абайдың «толық адам» ілімі, «Абай туралы естеліктер», М. Мырзахметұлы «Абай және шығыс», Б.Ердембековтің «Абайтану» т.б. кітаптар қойылды.

Көрмемен танысудан кейін жас сарбаздар кітапхана бөлімдерімен танысып, «Абайдың рухани орталығындағы» сирек кітаптармен танысты.