Ұлы даланың дана ойшылы: кең көлемді кітап көрмесі

Абай атындағы облыстық кітапханада Абай Құнанбаевқа арналған «Ұлы даланың дана ойшылы» кең көлемді кітап көрмесі ұйымдастырылып, оны таныстыру жұмыстары жалғасын табуда. Көрмені тамашалауға 8 тамызда Семей қаласы полиция басқармасының қызметкерлері келді.

Кітапхана қызметкерлері Абайдың өмірі мен шығармашылығы туралы айтып, іс – шараға қатысушыларды «Абай мұрасы-адамзаттың баға жетпес байлығы» бөлімінде ұсынылған ақынның қазақ, орыс және ағылшын тілдеріндегі шығармаларымен таныстырды.

«Абай музыка әлемінде» бөлімінде көрермендерге ақынның музыкалық мұрасын ашатын басылымдар ұсынылды.

«Абай бейнелеу өнерінде» атты үшінші бөлімде ақынның көзінің тірісінде 1887 жылы ең алғашқы суретін салған П. Лобановский, 1938 жылы салынған Ә.Қастеевтің «Киіз үй жанындағы Абай», Г. Аткниннің 1976 жылы Абай портретін кестемен өрнектеген суреттері мен ақын бейнесі бейнеленген кітаптар полиция қызметкерлерінің қызығушылығын тудырды.

«Мүсіндегі Абай» бөлімінде әлемнің түрлі қалаларындағы Абай ескерткіштерінің фотосуреттері ұсынылған.

«Абайтану» бөлімінде келушілер абайтану ғылымының негізі қаланған күннен бастап қазіргі заманға дейінгі дамуын көрсететін басылымдармен танысты. Бұл: «Абайтану» 5 томдық басылымы. Тандамалы», М. Мырзахметұлы «Абай және шығыс», Б. Ерембеков «Абайтану» және т. б. кітаптар.

Іс-шара соңында жас әскери қызметшілер Абай өлеңдерінен үзінділер оқыды.