Ұлы даланың дана ойшылы: кең көлемді кітап көрмесі
10 тамыз – қазақ ақыны, композитор, ағартушы, ойшыл, қоғам қайраткері, қазақ жазба әдебиетінің негізін қалаушы Абай Құнанбаевтың туған күні.
Осы айтулы күні Ұлы Абайға арналған «Ұлы даланың дана ойшылы» көрмесін жастар ресурстық орталығының өкілдері мен кітапхана оқырмандары тамашалады.
Көрмеге келушілер Абайдың әдеби және музыкалық шығармашылығымен, абайтанушылардың әдебиет пен мәдениеттегі рөлін ашатын еңбектерімен танысты.
Көрермендер кескіндеме мен мүсіндегі ақын бейнесін бейнелеу туралы ақпаратқа ерекше қызығушылық танытты. Көрмеде Абайдың поэтикалық жинақтары, қазақ, орыс және ағылшын тілдеріндегі «Қара сөздер», ақынның 1909 жылы Санкт-Петербургте жарық көрген «Қазақ ақыны Ибраһим Құнанбайұлының өлеңі», «Абайтану», «Абай және ақын шәкірттер мұрасы» және ақынның кітаптары мен портреттерінің фотогалереясы көрмені толықтырды.
