Біздің ата-әжелеріміз рахаттана оқыған кітаптар: танымал кітаптар көрмесі
Абай атындағы кітапханада 2023 жылдың 11 тамызында «Біздің ата-әжелеріміз рахаттана оқыған кітаптар» атты тақырыпта танымал кітаптар көрмесі ұйымдастырылды.
Неліктен ата-әжелеріміз ұнатып оқыған кітаптар туралы айтпасқа? Осы орайда сіздерге ата-әжелеріміздің моральдық негізін қалыптастырған кітаптарды оқуды ұсынамыз. Әр түрлі ұрпақтың оқу қызығушылықтары уақыт өте келе өзгереді, дегенмен кейбір кітаптар қазіргі уақытта да құндылығын жойған жоқ.
Кітап көрмесіне қойылған қазақ жазушыларының танымал кітаптары Ә.Нұрпейісовтің «Қан мен тер» Ә.Нұршайықов «Махаббат қызық мол жылдар», Д.Исабековтің «Қарғын», Ә.Әуезовтің «Абай жолы», «Көксерек», С.Сейфуллин «Тар жол тайғақ кешу», Д. Исабековтің «Гауһар тас» т.б. кітаптары көрменің мәнін аша түсті.
Орыс классиктерінің шығармаларымен қатар В. Пикуль «Честь имею», «Три возраста», В.Набоков «Лолита», Н. Островский «Как закалялась сталь», В. Каверин «Два капитана» т.б. кітаптар кітап көрмесіне қойылды.
Шетел жазушыларының М. Сервантес «Дон Кихот», Д. Дефо «Робинзон Крузо», Ж.Верн «Он бес жасар капитан, А.Дюма «Граф Монте-Кристо», Р. Ремарк «Три товарища», «Жизнь взаймы», Э. Войнич «Овод» т.б. шығармалар ұсынылды.
