Р. Отарбаев «Біздің ауылдың амазонкалары»: әдеби талдау

Абай атындағы облыстық кітапханасы 2023 жылдың 9 тамызында Zoom платформасы арқылы «Оқуға құштар жас» республикалық кітап оқу байқауы аясында жазушы Р. Отарбаевтың «Біздің ауылдың амазонкалары» жинағына әдеби талдау ұйымдастырды.
Шара барысында қатысушылар жазушының «Американың ұлттық байлығы», «Аяқталмаған хикая», «Би», «Біздің ауылдың амазонкалары», «Қытайдан жеткен сәлемдеме» т.б. әңгімелерін талдады.
Қатысушылар жазушы шығармаларының тақырыбының ауқымы кең, қаламгер шеберлігін, бүгінгі өмір тынысын, шындықтың шырылын дөп баса білген көркем туындыларына тәнті болғанын жеткізді.
Шара соңында қатысушылар оқырманға ой салар, түйсігін қозғар жазушы шығармаларының құндылығын атап өтті.