Д. Исабеков «Қарғын»: әдеби талдау

2023 жылдың 23 тамызында «Оқуға құштар жас» республикалық кітап оқу байқауы аясында Абай атындағы облыстық әмбебап кітапханасында, Zoom платформасы арқылы жазушы романына әдеби талдау жүргізілді.
Аталмыш іс-шараға ШҚО, Абай облысының байқауға қатысушылары Е.Нуримханова,Ж.Сағындықова, А.Мақсұтқанова, Г.Сәрсекенова, М.Уалхановалар қатысты. Шара барысында жазушының еңбегі бағаланып, басты кейіпкер жас жазушы Жасын Мәдиев пен студент қыз Бағиланың образдары жан-жақты талқыланды.
Оқырмандар шығарма жайында өз ойларын ортаға сала отырып, жазушы мен кейіпкерлер арасындағы үндестікті аша түсті. Шығарманың негізі идеяға негізделгенін арқау ете отырып, «Қарғын» сөзінің мағынасына тоқталды. Негізгі ой сана биігіндегі таза махаббат жайындағы шығарма деген пәлсапалық тоқтамға келіп, автордың шығарманы сәтті аяқтау шеберлігіне ризашылықтарын білдірді.