Қазақстан – 100 тілдің ғаламы: кітап көрмесі

Абай атындағы кітапханада Қазақстан халықтарының тілдері күніне орай «Қазақстан -100 тілдің ғаламы» атты кітап көрмесі ұйымдастырылып, онда Қазақстанда тұратын әртүрлі ұлттардың тіл туралы білімі мен салт-дәстүрлерін кеңейтуге көмектесетін кітаптар ұсынылды.
Мереке алғаш рет 1998 жылы тойланды. 2017 жылы мерекені өткізу күні 5 қыркүйекке ауыстырылып, көрнекті педагог, «Ұлт ұстазы» Ахмет Байтұрсынұлының туған күнімен тұспа-тұс келді. Көрмеде оның тіл білімі бойынша еңбектері қойылған. Кітап көрмесі әр ұлттың өміріндегі тілдердің маңыздылығы, сіз тұрып жатқан елдің мәдениетіне, салт-дәстүріне, тіліне деген құрмет туралы әңгімелейді. Мемлекеттік тіл мен оның мәселелеріне ерекше көңіл бөлінді. Сонымен қатар оқырмандар О.Сүлейменовтің «Таңбалар тілі», «Сто народов – сто языков» этнографиялық очеркпен, Д.Ысқақұлының «Тіл эпопеясы немесе рухани жаңғырудағы қазақ тілінің тарихи миссиясы» кітабы және тіл біліміне байланысты т.б. кітаптармен танысты. Көрме 1-5 қыркүйек аралығында көрсетіледі.