Білім әлеміне саяхат: танымдық сағат

Абай атындағы кітапханада 6 қыркүйек күні Семей қаласындағы мектеп оқушыларына кітапханамен таныстыру, кітапқа деген қызығушылығын арттыру мақсатында «Білім әлеміне саяхат» атты тақырыпта танымдық сағат өткізілді. Шара барысында оқушыларға кітапхана тарихы, кітапхананың жұмыс кестесі туралы ақпараттар беріліп, оқушыларға оқу үрдісінде көмек беретін көмекші оқу құралдар туралы айтылды.
Оқушылар назарына «Білім әлеміне саяхат» атты тақырыпта кітап көрмесі таныстырылды. Кітап көрмесіне тарих, математика, қазақ тілі, психология, физика пәндері бойынша қосымша оқу құралдары қойылды. Көрмеде орын алған К.Жұмасова «Психология», Физика әлемі: пәндік энциклопедия, Қазақстан тарихы оқулығының 5 томдығы, Е.Ж. Айдос «Математика», А.Рақышев «Адам анатаомиясы», М.Нұрпейісова «Геодезия» т.б. кітаптардағы құнды ақпараттар қызығушылығын тудырды.