Қазақ халықтарының отбасылық құндылықтары: кітап көрмесі

8 қыркүйек күні Абай атындағы облыстық әмбебап кітапханада 2013 жылдан бері жыл сайын қыркүйек айының екінші жексенбісінде аталып өтетін Отбасы күніне арналған «Қазақстан халқының отбасылық құндылықтары» атты кітап көрмесі ұйымдастырылды.
Отбасы қоғамның негізгі элементі ретінде адами құндылықтардың, ұрпақтар мәдениеті мен тарихи сабақтастығының сақшысы, тұрақтылық пен даму факторы болған және болып қала береді. Отбасының арқасында мемлекет нығайып дамиды, халықтың әл-ауқаты артады.
Көрмені Рымбек Байсейітов атындағы Семей қаржы-экономикалық колледжінің 1 курс студенттері тамашалады. Кітапхана мамандары оқушыларға мерекенің тарихы, отбасының жеке адам үшін де, мемлекет үшін де маңызы туралы әңгімелеп, көрмеге қойылған кітаптар мен мерзімді басылымдармен таныстырды. Олар Қазақстан аумағында тұратын халықтардың салт-дәстүрлері мен әдет-ғұрыптары туралы энциклопедиялар мен анықтамалықтар, отбасы психологиясы, құқық және тәрбие бойынша кітаптар: С.Кенжеахметұлының «Қазақ халқының салт-дәстүрлері мен әдет-ғұрыптары», «Әлем халықтары», «Достық – баға жетпес байлық», «Қазақстан – қарашаңырағым» және «Отбасы мен мектептегі тәрбие», «Отбасы және балабақша» мерзімді басылымдары. Сондай-ақ көрмеде отбасы және отбасы құндылықтары туралы қазақ, орыс және ағылшын тілдеріндегі көркем шығармалар ұсынылған: Б.Момышұлының «Ұшқан ұя», Ғ.Мүсіреповтың «Ұлпан», Ә.Нұршайықовтың «Мәңгілік махаббат жыры», Қ.Естеліктің «Бақытты отбасы», Ә.Қайратқызының «Қыз өссе – елдің көркі», «Қазақтың отбасы фольклоры», И.Тургеневтің «Отцы и дети», Л.Толстойдың «Война и мир», С.Майердің «Сумерки», Дж.Мартиннің «Игра престолов», Дж.Остиннің «Гордость и предубеждение» және т.б.
Шара соңында оқушыларға кітапханаға экскурсия ұйымдастырылды.