Тәуелсіз қазақ елінің жемісті жылдары
Шығыс Қазақстан облыстық Абай атындағы әмбебап кітапханасында 2013 жылы 14 желтоқсан күні Қазақстан Республикасының Тәуелсіздік күніне арналған «Авиценна» медициналық колледжінің студенттерімен бірлесіп, «Тәуелсіз қазақ елінің жемісті жылдары»: дебат-ойын элементтерімен әдеби кеш өткізді.
Өткізілген күні: 2013 жыл 14 желтоқсан. Өткізілген орны: Шығыс Қазақстан облыстық Абай атындағы әмбебап кітапханасы. Қатысушылар: «Авиценна» колледжінің студенттері, ұстаздары, оқырмандар, кітапханашылар. Қатысушылар саны: 40 адам. Шараның мақсаты: Қазақстан Республикасының Тәуелсіздігінің мерейтойына арналған шараларға жастар атынан үлес қосып, тәуелсіздік жолында күрескен ата-баба, аға-апаларының асқақ жігерлі рухын, қайтпайтын табандылығын өшпес өнеге ету.
Шығыс Қазақстан облыстық Абай атындағы әмбебап кітапханасында 2013 жылы 14 желтоқсан күні Қазақстан Республикасының Тәуелсіздік күніне арналған «Авиценна» медициналық колледжінің студенттерімен бірлесіп, «Тәуелсіз қазақ елінің жемісті жылдары»: дебат-ойын элементтерімен әдеби кеш өткізді.
Кітапхана қызметкерлері Тәуелсіз еліміздің халқымызға ғасырлар бойғы арман болған тәуелсіздік мерекесінің маңыздылығын, тарихын, егемендік ұстанымдарын биікке көтеретін бұл күн – біздің Отанымыздың әрбір азаматы үшін қастерлі мереке екендігін атап өтті. Шара барысында колледж студенттері арасында үкімет -«Болашақ фракциясы» мен оппозиция- «Нүкте фракциясы» арасында Елімізде Тәуелсіздік мерекесі қандай деңгейде атап өтіледі деген резолюциясына дәлелді айғақтар келтіріп, тартымды ойын болды. «Болашақ фракциясы» елімізде тәуелсіздік мерекесі өз деңгейінде атап өтілмейтіндігін дәлелдеп, тәуелсіздік мерекесінен гөрі үкімет тарапынан жаңа жылға дайындалатынымызды айтып аргументтер келтірсе, керісінше қарсылыс «Нүкте фракциясы» тәуелсіздік мерекесі кейінгі жылдары өз деңгейінде кең көлемде аталып өтетіндігін дәлелдеп, аргументтер келтірді. Кеш қалалық мәдениет үйінің «Самрұқ» тобының орындауындағы «Қырманға кел қалқатай» және «Қазақ елі» өлеңдерімен жалғасты. «Тәуелсіздік еліміздің ерлік жолы» тақырыбында кітап көрмесі ұйымдастырылды.
Шара «Авиценна» колледжінің студенттері дайындаған «Тәуелсіз Қазақ елінің жемісті жылдары» 1991-2013 жылдардағы еліміздің жеткен жетістіктерін баяндайтын слайд көрсетіліммен аяқталып, студенттер кітапхана қызметкерлеріне ризашылықтарын білдірді. Кітапхана қызметкерлері Тәуелсіздік күні мерекесіне орай дебатқа қатысқан студенттер мен ұстаздарын алғыс хатпен марапаттады.