Тәуелсіздік – ұлттық өрлеудің ұлы күні: дәріс

  • 15.12.2013

2013 жылдың 15 желтоқсанда Шығыс Қазақстан облыстық Абай атындағы әмбебап кітапханасының қызметкерлері Тәуелсіздік күніне орай «Тәуелсіздік – ұлттық өрлеудің ұлы күні» тақырыбында дәріс өткізді. Кітапхана қызметкерлері еліміздің бүгінгі күнге дейін жеткен жетістіктері мен тәуелсіздік жолындағы тарихымыздан пайдаланушыларға ауқымды ақпарат берді.

Өткізілген күні: 15 желтоқсан 2013. Өткізілген орны: Абай атындағы әмбебап кітапхана. Қатысушылар: кітапхана пайдаланушылары. Саны: 11 адам. Мақсаты: қазақ халқының басынан кешкен қиындықтар мен күрестер туралы айта отырып, еліміздің бүгінгі күнгі жеткен жетістіктері туралы айту, пайдаланушыларды ұлтжандылыққа, Отанын сүюге ықпал ету.

2013 жылдың 15 желтоқсанда Шығыс Қазақстан облыстық Абай атындағы әмбебап кітапханасының қызметкерлері Тәуелсіздік күніне орай «Тәуелсіздік – ұлттық өрлеудің ұлы күні» тақырыбында дәріс өткізді. Кітапхана қызметкерлері еліміздің бүгінгі күнге дейін жеткен жетістіктері мен тәуелсіздік жолындағы тарихымыздан пайдаланушыларға ауқымды ақпарат берді. Шара барысында Шәкәрім атындағы Мемлекеттік университеттің психология факультетінің студенті Еренғайып Диана «Менің Қазақстаным» әнін әдемі дауысымен жайдарлана орындап, қатысушыларға мерекелі көңіл-күй сыйлады.

17

Семей қаласындағы «Дарынды балаларға арналған Ш. Уәлиханов атындағы «Жас ұлан» арнайы ерлер лицей-интернатындағы» 62-взвод ұланы Айкебаев Мүбарак «Нұр Ата» атты өзі шығарған өлеңін оқыды. Шара соңында: Тәуелсіздік туралы және жаңадан келіп түскен кітаптарға «Тәуелсіздік – еліміздің ерлік жолы» атты кітап көрмесіне көлемді шолу жасалды. Солардың ішінде кітапхана пайдаланушылары арасында ерекше қызығушылық тудырған, «Азаттық аңсағандар»: Деректі шығармалар жинағы, «Ер намысы – ел намысы»: халық қаһарманы Қайрат Рысқұлбеков жайындағы жинақ, Н.Ә. Назарбаевтың «Тәуелсіздік жолы», «Қазақ тарихы».-2005.- №5.-111., журналына шыққан «Хан Кене-тәуелсіздік жаршысы» айдарымен шыққан мақалалар мен кітаптарды айтуға болады. Кітап көрмесіне барлығы 84 кітаптар мен мерзімді басылымдар қойылды.