«Тәуелсіздік- азаттығым бақ күнім» кітап көрмесі

Шығыс Қазақстан облыстық Абай атындағы әмбебап кітапханасы 16 желтоқсан 2013 жылы «Тәуелсіздік- азаттығым бақ күнім» атты кітап көрмесін ұйымдастырды.

Өткізілген күні: 16 желтоқсан 2013 жыл. Өткізілген орны: Шығыс Қазақстан облыстық Абай атындағы әмбебап кітапханасы. Қатысушылар: кітапхана оқырмандары. Шараның мақсаты: Қазақ халқының тәуелсіздік жолындағы ерлік күресімен, қол жеткен жетістіктерімен таныстыру.

Шығыс Қазақстан облыстық Абай атындағы әмбебап кітапханасы 16 желтоқсан 2013 жылы «Тәуелсіздік- азаттығым бақ күнім» атты кітап көрмесін ұйымдастырды. Халқымызға ғасырлар бойғы арман болған Тәуелсіздік, егемендік ұстанымдарын биікке көтеретін бұл күн – біздің Отанымыздың әрбір азаматы үшін қастерлі мереке. Бұл мереке күнтізбеде «Қазақстан Республикасының мемлекеттік тәуелсіздігі туралы» Конституциялық Заңының 1991 жылы 16 желтоқсанда қабылдануына байланысты тұрақты түрде аталып өтіледі.

Тәуелсіздігімізді жариялағаннан бергі мезгіл ішінде көптеген елеулі табыстарға қол жеткіздік. Бұл Президентіміздің жүргізіп отырған парасатты көреген саясатының нәтижесі – Еліміздің тыныштығы мен қауіпсіздігінің, көп ұлтты Қазақстан халқының жарастығы мен ынтымақтастығының арқасында болып отыр. Кітап көрмесіне Елбасы Н.Ә.Назарбаевтың «Тәуелсіздік белестері», А. Айталы «Байсалды ел байқаусыз қате жібермесін», «Древо независимости:от истоков к процветанию», «Тәуелсіздік шежіресі», Ш.Елеукеновтың «Тәуелсіздік биігінен», М.Қозыбаевтың «Киелі Тәуелсіздік», М. Жолдасбековтың «Тәуелсіздік тағылымы», Ә.Нысанбаевтың «Тәуелсіздік. Демократия. Гуманизм», А.А.Морозов «Казахстан за годв независимости», «Летопись независимости» және тағы басқа да Тәуелсіздік туралы кітаптар мен мерзімді басылымдар қойылды. Кітап көрмесі желтоқсан айының 10-18 аралығында оқырмандарға ұсынылады.