Сыбайлас жемқорлық – кұқық бұзушылық : ақпараттық сағат
27 қыркүйекте Абай атындағы облыстық кітапхананың шетел әдебиеттер бөлімі қызметкерлері кітапхана пайдаланушыларына «Сыбайлас жемқорлық – құқық бұзушылық» тақырыбында ақпараттық сағат ұйымдастырды. Іс-шараға қаламыздағы Шәкәрім университетінің студенттері қатысты.
Шара барысында ҚР-ның жемқорлық туралы заңнамасына тоқтала отырып, көптеген мысалдар келтірілді. Жастар назарына сыбайлас жемқорлыққа қарсы күрес жайында бейне роликтер ұсынылып, ортақ талқыға түсірілді.
Студенттер өз ойларын ортаға сала отырып, «мемлекеттің дамуы мен өркендеуі үшін қоғамдағы болып жатқан жемқорлықты түбімен жою қажет» деген ұсыныстар айтып, өздері де оған ат салысатындықтарын жеткізді.
