Мамандық таңдау – маңызды қадам: ақпарат сағаты

Абай атындағы кітапхана қызметкерлері оқушыларға мамандық таңдауға көмектесу, бағыт-бағдар беру мақсатында №46 орта мектепте «Мамандық таңдау – маңызды қадам» атты тақырыпта ақпарат сағатын өткізді.
Шара барысында кітапхана қызметкерлері мамандық таңдау жауапкершілікті іс, мамандық таңдауда әр адам өзінің қызығушылығына, қабілетіне, бейімделігіне сүйену қажет екенін айтты. Әлемде 10 мыңнан астам мамандық түрлері бар екені айтылып, сондықтан әр адамның икемі, қызығуы, бейімі бар мамандықты таңдай білу, өзіне, қоғамға тигізетін пайдасын ойлау қажет екеніне тоқталды.
Кітапхана қорында бар В.Уткин «Профессия – менеджер», В.А.Пономаренко «Профессия – летчик», Н.Н.Миловидов «Профессия хлопка-прядильщица», «Профессия директор фильма», «Профессия врача обязывает» кітаптары мен Мектептегі психология журналдарындағы «Мамандық таңдаудағы психолог көмегі жайында», «Жоғары сынып оқушыларының мамандық таңдауына психологиялық көмек», «Мамандық – менің болашағымның таңдауы» атты тақырыптағы мақалалармен таныстырып өтті.
Шара соңында әр түрлі мамандық иелерінің жұмысын айқындайтын видеоролик көрсетілді. Мектептің кәсіптік бағдар беру маманымен және оқушылармен «Ойлан және жауап бер», «Жаңа мамандықтар» ойындары ұйымдастырылды.
Шәкәрім жоғары колледжінен келген мамандар кәсіптік бағдар беру бағытында өз колледждерінде қандай мамандыққа даярлайтыны жайында мағлұматтар берді.