Естен кетпес есімдер: әдеби кеш

  • 31.10.2023

Абай атындағы кітапханада 31 қазан күні облыстық Абай атындағы кітапхана қызметкерлерінің ұйымдастыруымен «Естен кетпес есімдер» атты ақын Иса Биназаровтың туғанына 125 жыл толуына орай әдеби кеш ұйымдастырылды. Оқырман конференциясына Шәкәрім атындағы Семей мемлекеттік университетінің, «Alikhan Bokeikhan University»-нің студенттері қатысты.
Шара барысында Иса Биназаровтың ұлы Шәкірім университетінің профессоры, т.ғ.к. Амантай Исаұлы ақынның өнегелі өмірі мен күйшілік өнерпаздығы туралы, жетістікті жарқырата жырлайтын ақындық дарынын танытатын өлеңдері жайлы баяндады. Кеш барысында Алаш қайраткерлерімен таныс болғаны жайында, ұстаздық қызметі жайында ақпараттар кеңінен айтылды. Әміре Қашаубаев атындағы филормонияның әншісі Түктібаев Бақытжан Манарбек Ержановтың «Сайра Бұлбұл» әнін шырқады.
Ақын, әнші, өнертанушы Нұрқасым Құсмілия Жырғалұлы қатысып, ақын өмір сүрген кезең, ақынның ақындық ортасы жайында әңгімелеп, өз өлеңін оқыды.
Кітапхана қызметкерлері «Абай әлемі» сериясымен шыққан ақынның кітабы, С. Бегалин «Заман белестері» кітабындағы Иса Биназаров жайындағы мәлеметтер жайында айтып өтті. Әдеби кешті слайд-презентациямен толықтырылды.