Сыбайлас жемқорлыққа мәдениетті қалыптастыру: дәріс

2 қараша күні «Президенттің сыбайлас жемқорлыққа қарсы саясатына жәрдемдесу орталығы» басшысының орынбасары Қайратова Ақнұр Қайратқызы Абай атындағы кітапхана қызметкерлеріне арнап, «Сыбайлас жемқорлыққа мәдениетті қалыптастыру» тақырыбында дәріс өткізді. Шара барысыда Абай облысында орталықтың жаңадан бой көтеріп, осынау аз уақытта бірталай жұмыс атқарып жатқандарын тілге тиек етті. Қазіргі таңда бірнеше жоба қолға алынып, соның бірі волонтерлық жобасы жайында кеңінен ақпарат берді. Осы жоба аясында Үржар, Ақсуат елді мекендерінде өздерінің волонтерларының сыбайлас жемқорлықпен күресті жетілдіру мақсатында жұмыстар жүргізіп, оң нәтижеге қол жеткізгенін атап өтті.  Қатысушылар өз тарапынан көкейлерінде жүрген сұрақтарын қойып, толыққанды жауап алды.

Сонымен қатар, «Жемқорлық –  қоғамға төнген қатер» тақырыбында кітап көрмесі жасақталып, қатысушылар назарына ұсынылды. Кітап көрмесінде «сыбайлас жемқорлықпен күресу: теория және практика », Б.А. Жетпісбаеваның «Стратегия борьбы коррупцией», Борчашвили Ш. «Коррупционные преступления: закон, теория и практика» , А.Н.Ағыбаевтың «Қылмыстық құқық» басылымдарына шолу жасалды.